ARTENAUTA DE HONRA

Manfred Gnädinger

 Manfred Gnädinger

 Manfred Gnädinger desapareceu un 28 de decembro de 2002 atafegado pola gran mancha negra que cubriu as costas de Galicia tras ou afundamento do petroleiro Prestige. Man, como se recoñecía a si mesmo ou o alemán de Camelle, como lle chamaba a comunidade que o acolleu, converteuse nun referente indiscutible para a arte, o activismo e o medioambientalismo na zona. O paso do tempo e a recuperarción paulatina da súa memoria a través do estudo pormenorizado do seu arquivo e o seu legado disipan aos poucos a lenda apresurada de tolo incomprendido que se difundiu durante un tempo abrindo camiño ao recoñecemento dunha vida dedicada á utopía, á defensa da natureza e á transformación dun mundo violentado polo ser humano. De orixe alemá, Radolfzell 1936, Man deixaba atrás a súa contorna familiar para iniciar unha procura vital que lle levou a Galicia con só 25 anos e que a partir de entón transcorrerá en Camelle durante máis de corenta. Deste pequeno pobo pesqueiro seduciulle a súa “beleza crúa” e “a súa paisaxe lunar aínda virxe onde crear un mundo propio”

Man abordará o seu trabjo artístico de maneira multidisciplinar experimentando con infinidade de materiais e soportes, utilizando incluso o seu propio corpo en transformación para dialogar co corpo da paisaxe que lle conquistou. Explorará formas de vida e arte a partir da luz, os reflexos, a auga, as cores, restos de animais e plantas, crebas, etc. e usando a fotografía, a escultura, a instalación, a intervención e mesmo a performance. O seu lugar de vida sería tamén o seu laboratorio de formas. Absolutamente consciente do que estaba a construír catalogou o seu propio legado que deixou en testamento ao Estado xunto a unha herdanza económica coa que cubrir a construción dun museo que reclamou en vida en numerosas ocasións e que, en parte, xa aprendera a xestionar autónomamente.

Desde o Festival Artenauta queremos honrar a súa memoria e recoñecer o seu legado presentando por primeira vez en Costa da Morte o documental “ Man, o hermitaño artista” dedicado á súa vida. Unha peza do director Joan Mallarach filmada durante 1981 pero que nunca viu a luz ata que foi recuperado 39 anos máis tarde a través da exposición “Museo ( do ermitan) Man” comisariada por Andrea Serodio e Carmen Hermo para o Centro Galego de Arte Contemporaneo.