FOTOGRAFÍA

SENÉN INSUA- ALBA CAMBEIRO - ANA NAVEIRO- RAÚL SIMON - BÁRBARA PRUMMER - LUCÍA GÓMEZ

SENÉN INSUA

Senén Insua (1987) é un fotógrafo corcubionés graduado en Ciencias Políticas pola Universidade de Santiago de Compostela. Desenvolve a sua afinidade cara a fotografía durante a sua etapa universitaria e dende 2018 rexenta o seu propio estudo. De forma autónoma traballou para a Univeridade de A Coruña, a Universidade de Santiago de Compostela, como fotógrafo de producto para Woodworks Bushmann-Bella e para as campañas de publicidade de Limbo Ropería entre outros. Ten varías publicacións na revista Darkbeauty Magazine, e é coauto r deo libro Vai lavar cabelos na fontana fría. As orixes da lírica hispánica (Universidade de Santiago de Compostela. Servizo de Publicacións e Intercambio Científico; 2019)

Como fotógrafo intenta afondar en diversos temas como a relación entre o corpo, o territorio, a cultura e a sexualidade, asi como a culpa ou a identidade. Segue na procura da mellor forma de narrar e pelexandocoa linguaxe fotográfica, pois a fotografía é un deporte de combate.

https://www.facebook.com/pg/seneninsua 

ALBA CAMBEIRO

Alba Cambeiro (1991) é unha fotoxornalista autónoma procedente do Ézaro. Graduada en Comunicación Audiovisual e posgraduada en Fotoxornalismo pola Universidade Autónoma de Barcelona. Adoita traballar entre Turquía e Irak, prestando especial atención a cuestións sociais e de xénero, así como tamén á crise dos refuxiados e desplazados en Oriente Medio. 

ANA NAVEIRO

Ana Naveiro (1991) é unha deseñadora de moda, estilista, directora creativa, e fotógrafa creadora da marca Nana Vera Couture nada na cidade de A Coruña.

Sempre sentiu paixón polo mundo da fotografía e a imaxe. Esta paixón está profundamente ligada ao recordo do seu pai, o cal, sempre cámara en man, gustaba de retratar todos os mometos familiares. Con esta imaxe do seu pai gravada na retina de xeito inalienable, e cunha formación completamente autodidacta, Ana comeza a facer fotos do seu grupo de amigos durante a adolescencia. Sen pretensión algunha nun primeiro momento, esto acaba por reforzar o seu previo interese pola dirección de arte, levandoa a experimentar e traballar máis en profundidade con diferentes formas, texidos, luces, modelos e cores. Finalmente quedou prendada de este mundo ata facelo non so a sua vocación se non tamén o seu oficio.

Traballou como fotógrafa de producto para El Paracaidista e actualmente desempeña a sua labor como freelance. Ademáis foi participe en proxectos editoriais a nivel nacional e internacional para revistas como Neo2 Magazine, Vein Magazine, Kluid Mgazine, Kaltblut Magazine, Pap Magazine ou La Botánica e actualmente segue en proceso de aprendizaxe e crecemento.

RAÚL SIMÓN

Raúl Simón (1991) é un fotógrafo coruñés autodidacta que vive na localidade de Santa Cruz. Comeza na fotografía no ano 2015 e durante os seguintes foi rotando entre difernetes estilos, especializándose en retrato, producto, eventos, moda e urbana. Pese anon ter estudos nin en imaxe nin en artes, a sua curiosidade por estes eidos, e o gran número de persoas participes na sua aprendizaxe “informal”, fixo que cada vez fose descubrindo e colaborando con máis xente relacionad coa fotografía e a imaxe que, dun xeito u outro, influiron na sua forma de vivir e de facer fotos.

BÁRBARA PRUMMER

Bárbara Prummer (1994, Grafelfing, Alemania) é graduada en Belas Artes e estudante de Socioloxía.

“É a fotografía a que mellor amosou cómo reunir o paraugas coa máquina de coser, o encontro fortuito que un gran poeta surrealista encomiou como epítome do fermoso.” 

Susan Sontag, Sobre a fotografía (1977)

LUCÍA GÓMEZ

Lucía Gómez (1989) é unha fotógrafa nada na cidade de A coruña, estudou fotografía na Escola Pablo picasso e traballou durante anos como fotógrafa freelance así como para a marca de moda Nana Vera Couture. No seu haber ten varias exposición a nivel local e a participación nun proxecto editorial da revista internacional Atlas Magazine. Lucía conta cun estilo que transgrede os canones e traslada ao espectador a un mundo onde sinxeleza, naturalidade e delicadeza son un.