MÚSICA

LEODE MATAMÁ - PABLO ORZA - HÉCTOR LERA & TRES CALQUERA - AS RICHONAS

LEO DE MATAMÁ

O Leo de Matamá, máis coñecido O Leo i Arremecághona é un artista polifacético, filólogo e poeta galego nado en Matamá en 1974.

A súa traxectoria musical iniciase con O Leo i Arremecághona!!! no ano 1997, aínda que comeza a ser coñecido cando é chamado para abrir os concertos da xira galega de Albert Pla en 1998. Do mesmo 1998 é o seu primeiro disco Suspiros de Kaña, do que se editaron un milleiro de copias distribuídas polo propio autor. O disco sería reeditado no ano 2006 por A Regueifa Plataforma en formato mp3.

Leo participou como autor de letras e músicas e como actor nos espectáculos As Presidentas d’A Factoría Teatro e Vendettta de Berrobambán Teatro. Tamén foi finalista do “I Certame de Monólogos Monolíngües”. 

No 2009 colaborou no proxecto de acción poética “A Revolta das Letras”. Formou parte tamén doutros proxectos musicais como Labregos do tempo dos Sputniks (xunto a García, mc de Dios ke te crew), Das Kapital (xunto a Daniel Salgado e Marcos Payno) ou Ondas Martenot (xunto a Antón Díaz, Fran Amil e Cris Asenjo).

No outono de 2007 Edicións Xerais editou o seu libro de poesía Hai cu, baseado no blog homónimo. As presentacións, nese mesmo ano, baseáronse nun espectáculo chamado “Espectáculo Multimerda”, semellante ao monólogo humorístico onde se ían recitando os distintos poemas. Tamén ao longo do 2007 acompañou musicalmente á presentación do libro de Anxo Angueira Fóra do sagrado por distintas cidades de Galiza.

Leo de Matamá participará no Artenauta cun concerto no Campo do rollo.

https://arremecaghona.bandcamp.com/music

Fonte: Wikipedia

PABLO ORZA

Pablo Orza é un artista visual & multi- instrumentista autodidacta, principalmente interesado na música experimental & improvisación libre. No 2003 iniciou a súa colaboración co dúo Parto co que creou o Centro de Novas Tecnoloxías do Pico Sacro ( TPS), un colectivo artístico centrado na creación a tempo real.

Entre o 2006-2010 o TPS desenvolveu unha programación regular de eventos enfocados na improvisación libre, As Sesións Vibracionais do TPS, en colaboración coa sala NASA (Santiago de Compostela). Algúns dos improvisadores que participaron nas sesións fundaron a Orquestra de Música Espontánea de Galicia (OMEGA) no 2007 & o Festival Vibracional TPS no 2009 & 2011

Pablo Orza participou en varios talleres con improvisadores internacionais (Eddie Prevost, Seijiro Murayama, Wade Matthews…) e tocado con moitos outros en diferentes proxectos.

No 2012 comezou a súa colaboración co dúo 23 RedAnts (Macarena Montesinos (cello)& Ranter´ s Bay (electrónica). Este é actualmente o seu proxecto máis estable. Publicaron dous discos: Rede Night (2015_ Setola dei Maiale), Nothing here is what it seems (2017_ Creative Sources Recordings).

Pablo Orza usa voz, obxectos & guitarra eléctrica preparada para explorar unha composición sonora abstracta ( electroacústica, drone, minimalismo, ruidismo…) a través do fluxo impredicible de dinámicas e eventos que supón a improvisación libre.

https://pabloorza.wordpress.com/about/actividade-sonora/

AS RICHONAS

O grupo de Pandereiteras as Rinchonas é un grupo da escola de pandeireta e canto tradicional da Universidade Popular de Corcubión. Abordan a música, o canto e o baile tradicional. E a súa referencia é o que bailaban os nosos avós.

As integrantes de As Rinchonas son:

Pilar Vázquez
Alis Mouzo
Lupe Trillo
María Martínez
Casilda Caamaño

https://www.facebook.com/pg/asrinchonasdecorcubion

HÉCTOR LERA & TRES CALQUERA

Héctor Lera, nacido en Corcubión e afincado en Madrid, é un músico con un longo percorrido na música. Ten varios discos editados, con estilos como Bossa, Jazz, Samba, Flamenco ou muiñeira….

Acompañado por Tres calquera Hector Lera fai música para tódolos sentidos.

O nexo de unión con “Tres Calquera” é a Costa da Morte, a onde Héctor vén de vacacións en verán y cando ten tempo libre. Cando está por aquí sémpre aproveita para facer alguna actuación.

No Artenauta tocará a noite inaugural do Festival no Campo do Rollo.