PINTURA

KUKAS - VIKI RIVADULLA - PABLO ORZA - MARINA MOUZO

KUKAS

Marcelino de Santiago, Kukas é un artista polifacético de Santiago de Compostela. A súa actividade abarca desde a pintura ou a fotografía á literatura, a escultura, as artes escénicas, os monicreques ou a música. Kukas é graduado en Artes Aplicadas e Oficios Artísticos, na especialidade de Fotografía Artística. Como pintor realizou desde 1967 máis de 80 exposicións individuais e colectivas, entre as que podemos destacar: I Encontro de Artistas Novos, Galería Toissón de Madrid, Ministerio de Cultura, Bienal Internacional de Arte de Pontevedra, Galería Rubén de Segovia, Modus Vivendi, Rúa Nova e Matisse de Santiago, I Simposio da Guitarra de Vigo, Grupo FOGA, Colectivo Parafuso, Palacio da Cultura de Pontevedra, Club Financeiro da Coruña, Sala Rivas Brionesde Villagarcía, Galería Sargadelos do Barco, etcétera.

O ano pasado Kukas recibiu junto a Isabel Rey o Premio da Cultura Galega en Artes Escénicas pola súa traxectoria cos Monicreques de Kukas.

Kukas estará no Artenauta cunha exposición de pintura no Cárcere Vello que se inaugurará o sábado 15 de agosto, as 12hrs. Ademais, pintará ao vivo un cadro de gran formato durante o concerto inaugural que tera lugar ás 22hrs no Campo do Rollo. O cadro resultante sortearase no acto de peche do festival entre os que adquiran unha participación. 

Pinturas de Kukas  

VIKI RIVADULLA

Viki Rivadulla é pintora e escultora autodidacta .Tamén é artesá bonequeira (obtivo a carta de artesá no ano 2002). Ten experiencia docente tanto no campo da filosofía coma na artesanía. Actualmente é técnica de cultura do Concello de Muxía.

Viki Rivadulla ten unha amplisima experiencia artística, e ten producido unha gran cantidade de obra. Dende os anos oitenta participa nun centear de mostras individuais e colectivas, de pintura, escultura, cerámica e porcelana. Ademáis de estas mostras, poden verse os seus traballos nalgunhas casas de turismo rural como a Casa de Trillo (Muxía), o Pazo do Souto (Carballo ) ou o Hotel Rústico Lorena (Muxía). Ten ilustracións publicadas en revistas e diarios, e seu traballo artístico aparece reflexado tamén en publicacións como as revistas Traveller e Muñecas (Madrid), así como en reportaxes para TVG e TVE.

No Artenauta Viki Rivadulla participa cunha exposición de pintura na Taberna Mariñeira O Riveiro.

https://www.vikirivadulla.com/ 

PABLO ORZA

Pablo Orza é licenciado e en Belas Artes na especialidade de pintura pola Universidade de Salamanca e doutor pola Universidade Politécnica de Valencia. Fixo programa de postgrao no Studio Arts Centers International de Florencia.

Como artista plástico ten realizado dende o ano 98 máis dunha ducia de exposicións individuais na Fundación Granell e na Galería Espacio 48 de Santiago Compostela e, no Club Financiero Atlántico e na Casa Museo Maria Pita en A Coruña, entre outros.

Dispón de obra en Novacaixagalicia, Xunta de Galicia, Fundación DEARTE.

En exposicións colectivas participou no catálogo de Mostras Unión Fenosa,  (MACUF),  no Urbanitas do MARCO en Vigo, na colección de escultura galega CaixaVigo e Ourense, no Festival IFI do Pazo da Cultura de Pontevedra, no Museo Principal de Ourense e na Fundación Vincente Risco de Allariz, por destacar algunhas. 

Pablo Orza compaxina a faceta plástica coa sonora. Ámbolos traballos estarán presentes no Artenauta. A parte plástica pode verse no Pub A Gavilla.

 https://pabloorza.wordpress.com/about/actividade-plastica/